Биыл Қазақстанда 3000 әскери міндетті азамат әскери жиындарға қатысады, деп хабарлады Arnapress.kz Қорғаныс министрлігіне сілтеме жасап.
Қорғаныс министрі Дәурен Қосанов 2026 жылғы 31 наурызда әскери міндеттілерді оқу-жаттығу жиындарына шақыру туралы бұйрыққа қол қойған.
Құжатқа сәйкес, әскери жиындарға шақыру 2026 жылғы 19 сәуірден бастап күшіне енеді. Ал жиындардың өзі мамыр айынан қазан айына дейін өтеді.
Әскери жиындар – әскери басқару органдары мен уәкілетті мемлекеттік құрылымдар ұйымдастыратын арнайы дайындық шаралары. Оның мақсаты – әскери міндетті азаматтардың білімін жетілдіру, тәжірибесін арттыру және қорғаныс саласындағы дайындық деңгейін күшейту.
Айта кетейік, мұндай жиындар еліміздің заңнамасына сәйкес тұрақты түрде өткізіліп тұрады.
Фото: ЖИ
