Үш қазақстандық Лондон төріндегі іріктеу ойындарында жеңіс тұғырынан көрінді.
Лондонда теннистен Ашық чемпионаттың іріктеу кезеңі басталып кетті, деп хабарлайды Arnapress.kz тілшісі Zakon.kz сайтына сілтеме жасап.
Денис Евсеев француз теннисшісі Маттео Мартиноны 6:7 (4:7), 6:2, 7:6 (10:7) есебімен ұтты. Екінші айналымда Денис тағы бір француз теннисшісі Титуан Дрогемен (133 АТР) өзара бақ сынасатын болады.
Бейбіт Жұқаев әлемнің 154-ракеткасы, аустралиялық Юрий Родионовты қапы қалдырды. Есеп – 7:6 (7:5), 7:6 (9:7). Бейбіт енді алда серб теннисшісі Хамад Медьедовичпен (127 АТР) финалға жолдаманы өзара сарапқа салады.
Тимофей Скатов әлемнің 158-ракеткасы, италиялық Андреа Пеллегриноны жеңді. Есеп – 6:3, 6:3. Екінші айналымда Тимофей словакиялық Лукаш Клейнмен (129 АТР) кездесетін болады.
Сурет: ktf.kz
