Зардап шеккен бала ауруханаға жеткізілді.
Қарағанды облысында бір жасар бала екінші қабаттағы терезеден құлады, - деп хабарлайды Arnapress.kz тілшісі Tengrinews.kz сайтына сілтеме жасап.
26 шілдеде Балқаштағы 6-шағынауданда ересектердің қарауынсыз қалған 2022 жылы туған бала бес қабатты тұрғын үйдің екінші қабатының терезесінен құлады.
Төтенше жағдайлар министрлігі жазатайым оқиғалардың алдын алу ережелерін еске салды:
- Кішкентай балаларды жалғыз қалдырмаңыздар;
- Ешқашан москит торларына сенбеңіздер. Олар құлаудан қорғауға арналмаған. Керісінше, москит торы қайғылы жағдайға ықпал етеді, өйткені бала оның артында өзін қауіпсіз сезінеді және терезеге де, оған да сүйенеді;
- Мүмкіндігінше терезелерді төменнен емес, жоғарыдан ашыңыздар.
Сурет: Tengrinews.kz
